جلست يوما داخل كنيستى ... رأيت طفله جميله تجلس قريبة منى ولكنها تبكى تبكى بشده
نظرت حولى لما أرى سوانا أنا وهى ...تسالت أين خادمتها أو والدتها ..فهى طفله صغيره جدا ..؟! ومع شدة بكائها اقتربت نحوها ونظرت لها ..وسألتها ( بتعيطى ليه حبيبتى ؟؟! ) فنظرت اليا وزادت فى البكاء .. وقالت لى (انا مستنيه حد ) فسألتها (مستنيه تاسونى بتاعتك ؟؟) فأجابت لالا
أنا مستنيه بابا يسوع.....!! فحدثتها من بابا يسوع ؟ ونظرت لى قائله
( انتى متعرفيش ان دا بيت بابا يسوع انا مستنياه علشان عايزاه فى حاجه )
فتعجبت قائله نعم يا حبيبتى ... ولكن حبيبتى بتعيطى ليه ؟...اتأخر عليكى .
فقالت (لا بس أنا زعلانه علشان ماما امبارح راحت لبابا يسوع وسبتنى وحدى ومخدتنيش معاها ولما سألت بابا قالى أن بابا يسوع أخدها بيته علشان تعيش معاه وأنها مبسوطه خالص معاه وأن بابا يسوع جه اخدها بنفسه فا انا جيت علشان اقابله و اقوله ياخدنى انا كمان عايزه اعيش معاه ومع ماما ... بس جيت ملقتش حد وأنا مستنياه علشان اتكلم واروح معاه ..! ولم أدرى بماذا أحدثها فتحيرت لأيمان هذه الطفله التى جاءت تنتظر بابا يسوع لتحدثه عن رغبتها فى الذهاب معه .. وتسألت اهذه براءة الاطفال ؟؟ولا اعرف بماذا اجيبها ؟؟ ومع صمتى وحيرتى وجدت خادمه تبحث عنها وجاءت تاخذها لتوصليها لمنزلها . فصرخت الطفله (لالا انا مش همشى لازم أقابل بابا يسوع ..لازم اشوفه .. عايزه اكلمه) وظلت تصرخ وتصرخ ولم أستطع أن أكف عن البكاء وتركت الكنيسه وعدت الى بيتى ولم انسى هذه الطفله ..ووجهها الجميل ..ودموعها ..وصراخها ..واصرارها على لقاء بابا يسوع ولم اعرف نهاية لأفكارى ..ولم يقف عقلى عن التفكير بها ..ولم تستطع عينى النوم
وسرح فكرى بها واذ ارى ...........طفله جميله تجلس بجوار شخص وعندما اقتربت رأيتها ..نعم هى الطفله التى كانت تنتظر بابا يسوع
وتسالت من هذا الشخص الذى يجلس بجوارها أنه يسوع .....!! نعم يسوع
رأيته يحدثها ويداعبها ..ورأيتها تضحك ..وسمعت حديثهم
الطفله : بابا يسوع انا مبسوطه معاك اوى
بابا يسوع : وانا مبسوط علشان انتى مبسوطه
الطفله : عايزه اشوف ماما .. بابا قالى هى معاك ..هى وحشانى اوى
بابا يسوع : هتشوفيها بس مش دلوقتى
الطفله : انا نفسى اشوفها
بابا يسوع : انتى بتحبينى ومبسوطه معايا ..؟
الطفله : اوى اوى .. انا بحبك أد الدنيا دى كلها لالالالا أكبر من الدنيا بشويه
بابا يسوع : ابتسم واخدها فى حضنه وقالها وانا بحبك اكتر من كده بكتييييييييييير وعايزك تعرفى ان ماما معايا وهى قاعده مع مامتى (ماما العدرا) عارفها
الطفله : اه اه وبحبها اوى
بابا يسوع : خلاص مش عايزك تزعلى أو تعيطى وأعرفى ان ماما مبسوطه خالص وهى علطول شيفاكى وعايزاكى متزعليهاش وتبقى حلوه علشان تيجى تعيشى معاها
الطفله : امتى يا بابا يسوع
بابا يسوع : متعمليش حاجه تزعلنى وتزعل ماما وانا هاجى أخدك ونعيش سوا
الطفله : لالالا مش هعمل حاجه تزعلك خالص خالص .. علشان انا بحبك اوى
وبحب ماما اوى
فنظر يسوع للطفله باسما قائلا : بحبك كتييييييييييييييييييييييير
فنظرت الطفله وهى تبتسم : حبيبى بابا يسوع متتأخرش عليا انا مستنياك .. وسلملى على ماما اوى وقولها انى بحبها اووووووووى وانى هشرب اللبن وهنام بدرى ومش هزعلها خالص .ومش هكدب ولا احلف ولا هعمل حاجه تزعلك علشان تيجى بسرعه تاخدنى .بابا يسوع خلى بالك من ماما وكمان نفسك
ومالت الطفله الجميله وقبلت خده .. ولاحت بيدها لتودعه ..........
الهى ومخلصى وحبيبى ماهذا الحب العجيب الذى رأيته فى عينك نحو هذه الطفله ؟ !! ماهذا الحنان والرقه ؟!!!!!!!!! وماهذا الاهتمام والرعايه بأولادك
رأيت طفله وحيده تبكى متألمه ..تنتظرك لم تتركها ..تواضعت وجلست للتحدث اليها وتطمئنها . فرأيت الطفله الحزينه الباكيه ..تفرح وتبتسم ماهذا يا حبيبى ؟؟! رأيتك تحدثها كطفل مثلها وانت الاله
رأيت برائتها وبساطتها .. فرأيت بساطتك . تذكرت قولك .. دعوا الاولاد يأتون اليا ولا تمنعوهم
تعتنى بالطفل والشاب والكهل .. تعتنى بالكل .
!!!!!!!!!!!! !!!!!!!!! !!!!!!!!! أيوجد مثلك
أحبك ..وأتمنى أن أحبك حب هذه الطفله التى استطاعت ببرائتها وايمانها ان تجلس معك وتحدثك
...ياليتنى احبك مثلها.....
السبت نوفمبر 22, 2008 5:59 pm
