كل سنه وانتوا طيبين بمناسبة عيد الغطاس وايه سر القصب والقلقاس في عيد الغطاس

بمناسبة عيد الغطاس ، كل سنة وكلكم طيبين...كل عيد ظهور الهى(الأبيفانيا)(عيد الغطاس) والجميع بخير
كل سنه وانتوا طيبين بمناسبة عيد الغطاس وايه سر القصب والقلقاس في عيد الغطاس Mon%20%2816%29

كل سنه وانتوا طيبين بمناسبة عيد الغطاس وايه سر القصب والقلقاس في عيد الغطاس Mon%20%2816%29

سر اكل القلقاس والقصب فى الغطاس

ان القلقاس بيتزرع فى كمية كبيرة من المية وكمان بيتعمل فى كمية كبيرة من الميه
وكمان القصب بيحتاج الى كمية كبيرة من المية وكمان انه بيحتوى على كمية كبيرة من المية

وده كله بيرمز الى الغطاس

ديه عبارة عن قصة قصيرة بتشرح ايه هو سر القلقاس والقصب مع عيد الغطاس
توتة: كل سنة وأنت طيبة يا شيري الشهر ده فيه أعياد كتيير أوي حلوة وجميلة
وفاضل كام يوم على عيد أنا بحبه إسمه ............. عيد الغطاس
شيري: كل سنة وأنت طيبة؛ فعلاً عيد الغطاس من الأعياد الجميلة فى كنيستنا،
انت عارفة أنهم كانوا بيسموه بعيد الشموع أو عيد القصب والقلقاس كمان.
توتة: عيد القصب والقلقاس!!!!!!!!!!!!!! أنا مش فاهمة حاجة ؟؟؟ إيه دخل القصب والقلقاس بالعيد؟؟؟
شيري:دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية.
توتة: (بإستغراب): للمعمودية!!!
شيري: أيوة رمز للمعمودية .... القلقاس مثلاً علشان تطبخه الأول بنغسله
ونغطسه فى الميه السخنة عشان ينضف، تمام زي الإنسان إللي بيتعمد بيغطس فى
ميه المعمودية وينضف من خطاياه القديمة.
أما القصب كانوا زمان بيحطوا شمع فوقيه بيرمز لنور الروح القدس، ويدوقوا
حلاوته، زي الإنسان إللي بيتعمد بياخد بركة المعمودية ويدوق حلاوة ربنا.
يا ترى عرفتي بقى إيه هو سر القلقاس والقصب فى عيد الغطاس؟؟؟؟؟؟